XANLAR NURU OĞLU FƏTİYEV

Xanlar Fətiyev 1972-ci il yanvarın 15-də Bakı şəhərində anadan olub. Azərbaycan Memarlıq və İnşaat Universitetinin Sənaye və İnşaat Mühəndisliyi fakültəsini bitirib.

Əmək fəaliyyətinə 1988-ci ildə başlayıb. 

• 1992-2003-cü illərdə “Betonşik”, “Elruz”, “Avestas” müəssisələrinə rəhbərlik edib.
• 2003-2004-cü illərdə - Aznur MMC-nin baş direktoru.
• 2004-2011-ci illərdə - Gəncə Avtomobil Zavodunun direktoru.
• Hazırda Gəncə Avtomobil Zavodunun Müşahidə Şurasının sədridir.

Yeni Azərbaycan Partiyasının üzvü olaraq Azərbaycan Respublikasının Milli Məclisinin  IV, V və VII çağırış deputatı

Üzv olduğu komitə və komissiyalar:

• Aqrar siyasət komitəsi
• Regional məsələlər komitəsi
• Azərbaycan və Avstraliya parlamentlərarası əlaqələr üzrə işçi qrupunun rəhbəridir. 

Üzv olduğu Parlamentlərarası əlaqələr üzrə işçi qruplar:

• Müstəqil Dövlətlər Birliyinin Parlamentlərarası Assambleyasının Nəzarət-büdcə Komissiyasının sədr müavini
• Azərbaycan-Almaniya Federativ Respublikası və Azərbaycan-Belarus parlamentlərarası əlaqələr üzrə işçi qruplarının üzvü
• Müstəqil Dövlətlər Birliyinin iştirakçısı olan dövlətlərin Parlamentlərarası Assambleyasının üzvü
• Azərbaycan Respublikası Milli Məclisi və Rusiya Federasiyası Federal Məclisi Dövlət Dumasının parlamentlərarası əməkdaşlıq komissiyasının nümayəndə heyətinin üzvü 

2013-cü ildə Azərbaycan-Belarus əlaqələrinin inkişafındakı xidmətlərinə görə Belarus Respublikası Nazirlər Şurasının Fəxri Fərmanı ilə təltif edilib.

2015-ci ildə Belarus Respublikasının Prezidenti Aleksandr Lukaşenkonun sərəncamı ilə Belarus və Azərbaycan arasında ticarət-iqtisadi əlaqələrin möhkəmləndirilməsində və inkişafında mühüm şəxsi xidmətlərinə görə “Şərəf” ordeni ilə təltif edilib.

2018-ci ildə MDB-yə üzv dövlətlərin Parlamentlərarası Assambleyası tərəfindən “Birlik” ordeni ilə təltif edilib.